Presidenti amerikan, Joe Biden, do të sanksionojë drejtpërdrejt presidentin rus, Vladimir Putin, dhe zyrtarë të tjerë të lartë rusë për pushtimin rus të Ukrainës, konfirmoi sekretarja e shtypit e Shtëpisë së Bardhë, Jen Psaki.
Vendimi i Bidenit për të sanksionuar personalisht Putinin pason një njoftim nga BE-ja se Putin dhe ministri i Jashtëm rus, Sergey Lavrov, do të sanksionohen personalisht pas sulmeve të Rusisë.
Duke folur me gazetarët në konferencën e përditshme, të premten, sekretarja e shtypit e Shtëpisë së Bardhë, Jen Psaki, tha se SHBA-ja, në përputhje me vendimin e aleatëve evropianë, do të sanksionojë Putinin, Lavrovin dhe anëtarët e tjerë të ekipit rus të sigurisë kombëtare.
Por ndërsa sanksionet e Mbretërisë së Bashkuar dhe BE-së ndaj Putinit dhe Lavrovit do të sjellin një ngrirje të aseteve, jo një ndalim udhëtimi, Psaki u tha gazetarëve se masat e SHBA-së do të përfshijnë një ndalim udhëtimi në SHBA për presidentin rus.
Ford thuhet se ka filluar prodhimin serik të Capri-t të ri t...
Shenjat që tregojnë se je duke humbur veten për të bërë të t...
Përfitimet e të menduarit pozitiv dhe si ta praktikojmë atë ...
Sveçla pas aksionit në Pejë ku u sekuestruan mbi një ton dro...
Peci u kërkon debat ish-ministrave të Bujqësisë, synon t’i k...
Gërvalla në takimin ShBA-Karta e Adriatikut: Kosova, e palëk...