Presidenti amerikan, Joe Biden, ka deklaruar se do të ishte “me fat” nëse në zgjedhjet presideciale të vitit 2024 do të kishte Donald Trumpin si kundërshtar.

Biden ka theksuar se ka reflektuar mbi ndryshimin e pozitës në Amerikë në skenën botërore që nga marrja e detyrës, transmeton portal arbresh.info

Në një konferencë shtypi në selinë e NATO-s, Biden u pyet në lidhje me perspektivën e përpjekjeve të tij të politikës së jashtme për të lidhur Amerikën me aleatët e saj dhe përgjigjen e koordinuar midis aleatëve të NATO-s që po zhbëhet nga një president tjetër pas zgjedhjeve të vitit 2024, përfshirë Trump, i cili ka sinjalizuar se mund të kandidojë për rizgjedhje pas humbjes në 2020.

“Një nga gjërat që më ngushëllon është se nuk mendoj se do të gjeni ndonjë lider europian që mendon se nuk unë jam në gjendje të punoj”, tha Biden.

“Çështja është se takimi i parë i G-7 ku mora pjesë, si ai që bëra sot, ishte në Britaninë e Madhe. Dhe u ula dhe thashë, ‘Amerika u kthye.’ Dhe një nga homologët e mi, kolegë, kreu i shtetit, tha: “Për sa kohë?”

“Unë nuk kritikoj askë për pyetjet që bën”, vazhdoi Biden, “por zgjedhjet e ardhshme, do të isha shumë me fat nëse do të kisha të njejtin njeri që konkuron kundër meje”.

Biden shtoi se fokusi i tij i vetëm te zgjedhjet në këtë pikë është puna për të siguruar që demokratët të mbajnë shumicën në Dhomë dhe Senat “në mënyrë që të kem hapësirë për të vazhduar të bëj gjërat që kam qenë në gjendje të bëj në drejtim të rritjes së ekonomisë dhe ballafaqimi në mënyrë racionale me politikën e jashtme amerikane”.

Joe Biden po merr pjesë në Bruksel ku po mbahet samiti me aleatët e NATO-s dhe anëtarët e Këshillit Europian dhe G7-tës, të cilët janë të fokusuar në përgjigjen ndaj pushtimit rus në Ukrainë.

Qasja është në kontrast me politikën e jashtme të Trump “Amerika së pari”, e cila shpesh i tjetërsoi aleatët. Ish-presidenti kritikoi në mënyrë rutinore partnerët e NATO-s dhe G-7. Trump u fajësua gjithashtu në fund të vitit 2019, pasi ai përdori ndihmën ushtarake për Ukrainën në këmbim të hetimeve për marrëdhëniet e biznesit të Biden dhe familjes së tij në Ukrainë.

Demokratët kanë vënë në dukje politikat dhe retorikën e Trump në përgjigje të kritikave republikane se Biden ka qenë shumë i ngadalshëm për të ofruar ndihmë për Ukrainën, megjithëse vetë Shtëpia e Bardhë ka shmangur referencën e drejtpërdrejtë të administratës së mëparshme./hill/arbresh.info/