Google ADS

Biden: Armëpushimi është i mundshëm në Liban, por më i vështirë në Gaza

19:14 | 18 Tetor 2024
R J

Presidenti amerikan, Joe Biden tha se është e mundur që të punohet drejt një armëpushimi në Liban, por paralajmëroi se do të jetë më e vështirë në Gaza pavarësisht vrasjes së liderit të Hamasit, Yahya Sinwar.

“Ne mendojmë se ka një mundësi për të punuar drejt një armëpushimi në Liban. Dhe do të jetë më e vështirë në Gaza,” u shpreh kreu i Shtëpisë së Bardhë gjatë një vizite në Berlin.

Një ditë më parë, Biden deklaroi se vrasja e Sinwar në Gaza ishte një ditë e mirë për Izraelin, SHBA dhe botën. Ai i tha kryeministrit Benjamin Netanyahu se duhet të shfrytëzojë “mundësinë për të kërkuar një rrugë drejt paqes, një të ardhme më të mirë në Gaza pa Hamasin”.

Zëdhënësi i Sigurisë Kombëtare të Shtëpisë së Bardhë, John Kirby, tha se Sinwar ishte pengesa kryesore që parandalonte negociatat për një armëpushim në Gaza, por shtoi se ishte shumë herët për të thënë nëse vrasja e tij mund të ‘ringjallte’ bisedimet./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm