Një oficer policie u vra sot në Charleroi, në jug të Belgjikës, gjatë një hetimi për një rast të trafikut të armëve dhe drogës. Nga shkëmbimi i zjarrit është qëlluar për vdekje edhe i dyshuari, ndërsa dy policë të tjerë janë lënduar dhe njëri ndodhet në gjendje kritike për jetën.
Siç deklaroi prokurori i Charleroi, Vincent Fias, ngjarjet u zhvilluan rreth orës 6.30 të mëngjesit, kur një grup i forcave speciale të policisë federale shkuan për të kontrolluar shtëpinë e të dyshuarit. Ky i fundit qëlloi në drejtim të policisë me armë policinë, duke u fshehur pas një dere.
Një nga policët u vra në vend. I dyshuari është gjetur i plagosur brenda shtëpisë, ndërsa ka ndërruar jetë pak orë më vonë në spital. Prokurori tha se oficerët po vepronin si pjesë e një hetimi për “trafikun e drogës, kontrabandimin e automjeteve dhe armëve”.
Kryeministri belg Alexandre de Croix dhe ministrat e Brendshëm dhe të Drejtësisë shprehën ngushëllimet e tyre për familjen e policit 36-vjeçar që u vra./abcnews.al
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...