Google ADS

Belgjika pezullon kërkesën për kthimin në Spanjë të Puigdemont

18:12 | 17 Shkurt 2020
Arbresh.info

Belgjika nuk do t’i dorëzojë Spanjës zyrtarët indipendentistë katalanas, Carles Puigdemont dhe Toni Comin, para se Parlamenti Europian të shprehet për një kërkesë për heqjen e imunitetit të këtyre dy eurodeputetëve, theksoi sot drejtësia belge.

Një prej avokatëve të katalanasve, Simon Bekaert, konfirmoi vendimin e dhënë nga dhoma e këshillit të Gjykatës së Brukselit.

“Gjyqtari vendosi për të shtyrë datën e trajtimit të kërkesës së ekstradimit (…), në pritje të vendimit të Parlamentit Europian mbi kërkesën për heqjen e imunitetit”, deklaroi avokat.

Puigdemont, ish-presidenti i rajonit të Katalonjës dhe Comin, një prej ish-ministrave të tij ishin arratisur në Belgjikë në fund të tetorit 2017 pas një tentative për shkëputje.

Shpërndaje në rrjete sociale

Lajmet më të lexuara

Të ngjashme

Foto lajm