BE sanksione të reja kundër Bjellorusisë

14:58 | 13 Nëntor 2020
Arbresh.info

Bashkimi Evropian dënoi sot vdekjen e një artisti bjellorus pas plagëve të shkaktuara gjatë arrestimit të tij dhe kërcënoi për marrje të sanksioneve të reja kundër autorëve të dhunës në këtë vend.

”Vdekja e piktorit, Roman Bondarenko, 31 vjeç, është rezultat skandaloz dhe i turpshëm i autoriteteve bjelloruse dhe BE është e gatshme të vendosë sanksione shtesë”, njoftoi zëdhënësi i kreut të diplomacisë evropiane, Josep Borrell në një komunikatë.

Komisioni nuk ka preferuar të saktësojë llojin e sanksioneve që mund të jetë vendosur nga shtetet anëtare.

BE ka sanksionuar tashmë presidentin e Bjellorusisë, Alexandre Lukashenko, djalin e tij Viktor dhe 53 anëtarë të rrethit të tij, mes të cilëve disa ministra dhe krerë të forcave të policisë, të gjykuar përgjegjës për represionin kundër kontestimit të zgjedhjeve presidenciale të 9 gushtit, të cilësuara të trukuara nga BE./ATSh/

Shpërndaje në rrjete sociale

Lajmet më të lexuara

Të ngjashme

Foto lajm