Google ADS

BE përfundon hetimet ndaj gjykatësit që shërbeu në Kosovë

14:41 | 20 Nëntor 2018
A. B.

Bashkimi Europian ka finalizuar tre hetime ndaj gjykatësit britanik, Malcolm Simmons, i cili ka shërbyer në misionin e monitorimit në Kosovë.

Mirëpo rezultatet e hetimeve të cilat gjykatësi Simmons i ka quajtur si hakmarrje pasi që ai ka ngritur zërin ndaj gjërave negative, nuk janë bërë ende publike, shkruan Live5news.

Një zëdhënës i BE-së, ka konfirmuar se një bord disiplinor ka përfunduar tre hetime ndaj Malcolm Simmons, mirëpo ka refuzuar t’i bëj publike konkluzionet e bordit.

Simmons ka thënë se akuzat janë ngritur nga kolegët që ai i kishte denoncuar më herët, duke i quajtur si hetime të njëanshme që janë kryer për t’i penguar përpjekjet e tij ndaj veprimeve të jashtëligjshme, transmeton Klan Kosova.

Misioni i Bashkimit Europian është i fokusuar në sundimin e ligjit dhe në luftën kundër korrupsionit në Kosovë.

Ky mision ka ndihmuar Kosovën në rrugën e saj drejt integrimit europian që nga viti 2008, kur ajo shpalli pavarësinë nga Serbia.

Shpërndaje në rrjete sociale

Lajmet më të lexuara

Të ngjashme

Foto lajm