Google ADS

BE-ja fton 15 mijë të rinj të udhëtojnë falas këtë verë në Evropë

21:07 | 3 Maj 2018
Arbresh.info
Bashkimi Evropian do t’u mundësojë 15.000 të rinjve të moshës 18-vjeçare të udhëtojnë falas nëpër Evropë këtë verë, në kuadër të një programi të quajtur “DiscoverEU”, njoftoi sot Komisioni Evropian.
Iniciativa erdhi pas një propozimi të Parlamentit Evropian me një buxhet prej 12 milionë eurosh në vitin 2018 për të financuar biletat e transportit. Programi do të hapet në qershor për aplikantët e moshës 18 vjeç dhe më 1 korrik nëpërmjet një faqeje në internet ”Portali evropian i rinisë”.

Programi synon t’u ofrojë 15 000 të rinjve mundësinë për të udhëtuar nëpër Europë këtë verë për të zbuluar trashëgiminë e pasur kulturore të kontinentit, krijuar kontakte me persona të tjerë, për të mësuar rreth kulturave të tjera si dhe për të zbuluar atë që e bashkon Evropën, njoftoi Komisioni Evopian në një deklaratë.

Kandidatët e përzgjedhur duhet të ndjekin një itinerar të paracaktuar, me tren, me autobus madje edhe me traget, ose avion në disa raste. Udhëtimi i tyre do të zgjasë deri në 30 ditë dhe do të përfshijë nga një deri në katër destinacione të huaja, përcjell Atsh.

Juria ka përgjegjësinë për përzgjedhjen përfundimtare të 15 000 përfituesve të parë, ndërsa një valë e dytë e aplikimeve mund të hapet në gjashtëmujorin e dytë të vitit, nëse do të mbeten burime financiare.

Më shumë detaje rreth kësaj iniciative do të publikohen në mes të muajit maj në ”Portalin europian të rinisë”.

Shpërndaje në rrjete sociale

Lajmet më të lexuara

Të ngjashme

Foto lajm