BE: Fuqia punëtore, më e lira në Bullgari dhe më e shtrenjta në Danimarkë

14:17 | 6 Maj 2015
Arbresh.info

Punëdhënësit bullgarë në sektorin privat vitin e kaluar kanë dhënë pagën më të ulët në raport me vendet e tjera të Bashkimit Evropian, me vetëm 3,80 € për orë, ndërsa në pozitën udhëheqëse janë danezët me 42 euro, sipas një sondazhi të agjencisë gjermane Destatis.

Sipas anketës, kostoja e punës në Bullgari, megjithatë, vitin e kaluar ishte për 2.8 për qind më e lartë se sa në vitin 2013.

Pak para bullgarëve janë rumunët, ku një orë pune paguhet 4,8 €, pastaj vjen Lituania me 6,60€, Letonia 7,0 €, dhe Hungaria me 7.8 euro për orë, transmeton arbresh.info.

Portali CDM kujton se kostoja mesatare e punës për orë në të gjithë BE-në arrin në 24,40 €.

Punëdhënësit në sektorin privat gjerman paguajnë rreth 31,80€ në orë, gjë e cila ka bërë që vendi të renditet i teti në mesin e 28 shteteve anëtare të BE-së sipas pagesës për fuqinë punëtore./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm