Google ADS

Banka Botërore miraton rreth 1.5 miliardë dollarë fonde për Ukrainën

09:00 | 8 Qershor 2022
A. B.

Banka Botërore ka miratuar 1.49 miliardë dollarë financim shtesë për Ukrainën.

Ky fond është pjesë e një pakete mbështetëse me vlerë më shumë se 4 miliardë dollarë që do të ndihmojë në pagesën e pagave të qeverisë dhe punonjësve socialë, shkruan bbc.

Raundi i fundit i financimit mbështetet nga garancitë financiare nga Britania, Holanda, Lituania dhe Letonia, thuhet në deklaratë.

Gati 2 miliardë dollarë nga fondet totale të premtuara tashmë janë paguar në Ukrainë.

Në deklaratë thuhet se fondet do të ndihmojnë gjithashtu në mbështetjen e portofolit të projekteve të Bankës Botërore në Ukrainë, duke përfshirë projektet për “furnizimin me ujë, kanalizimet, ngrohjen, energjinë, efikasitetin e energjisë, rrugët, mbrojtjen sociale, arsimin dhe kujdesin shëndetësor”.

Në fund të prillit, Ministria e Financave e Ukrainës vlerësoi se do të kushtonte 5 miliardë dollarë në muaj në afat të shkurtër për të mbajtur funksionimin e ekonomisë së vendit. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm