Kryeministri i Britanisë së Madhe, Boris Johnson ka deklaruar se ‘tani është koha që të ndalojmë kontaktin jothelbësor me të tjerët dhe të ndalojnë udhëtimet e panevojshme’.

Ndër të tjera, Johnson ka bërë thirrje që të shmangen pijet, klubet, teatrot, kinematë dhe ambientet tjera sociale, transmeton portal arbresh.info

Megjithatë, duket se kryeministri i Britanisë së Madhe e ka shumë problem që të bind babain e tij rreth këtyre masave të marra kundër koronavirusit.

LEXO EDHE: Gjithsej 31 të sëmurë nga koronavirusi, politikanët të njëzëshëm se zgjedhjet duhet të shtyhen

Në një intervistë të drejtpërdrejtë në ITV, babai i Johnson e ka kundërshtuar të birin, ku ndër të tjera ka theksuar se ai do të vazhdojë të frekuentojë baret.

Stanley Johnson u pyet nga gazetarja nëse do të shkonte në pub, ndërsa ai është përgjigjur se ‘po, patjetër që do të dal në bar’.

I pyetur nëse është e nevojshme që të shkohet në bar këto ditë të jashtëzakonshme, babai i kryeministrit tha: “Do t’ishte gabim nëse zbrazen pubet, sepse për bizneset kjo gjë është e keqe”.

Has there ever been a point in British history in which an already shambolic and excruciatingly incompetent Prime Minister was continually undermined by his own dad?pic.twitter.com/546kqOrLwi

— Graham Lithgow (@grahamlithgow) March 17, 2020

Deklarata e tij ka nxitur reagime të mëdha në mediat sociale, pasi ka vendosur që të shmang këshillat e të birit dhe të vendosë sipas kokës së tij./arbresh.info/