Autobusi bie në humnerë, 7 të vdekur dhe dhjetëra të lënduar

11:07 | 13 Gusht 2021
arbresh.info

Të paktën 7 persona e kanë humbur jetën si dhe 21 të tjerë janë lënduar si pasojë përmbysjes së një autobusi në Marok, transmeton Anadolu Agency (AA).

Sipas lajmit në agjencinë zyrtare të lajmeve të Marokut, MAP, administrata lokale e qytetit ka publikuar një njoftim lidhur me aksidentin.

Në njoftim thuhet se një autobus pasagjerësh në autostradën numër 2038 ka dalë nga rruga dhe është rrokullisur në humnerë. Si pasojë e aksidentit kanë humbur jetën 7 persona, në mesin e të cilëve 3 fëmijë.

Në aksidentin në fjalë janë lënduar 21 persona, të cilët janë transferuar në spitale të ndryshme në rajon.

Autoritetet gjyqësore kanë filluar një hetim në lidhje me aksidentin.

Shpërndaje në rrjete sociale

Lajmet më të lexuara

Të ngjashme

Foto lajm