Qeveria siriane dhe populli i Republikës Arabe Siriane në asnjë mënyrë nuk do të pajtohen me ndarjen e vendit, ka thënë presidenti Bashar al-Assad në një intervistë.

Presidenti Assad tha që Damasku ka mbajtur kontakte me kurdët gjatë gjithë konfliktit në Siri, pavarësisht se ka ditur për lidhjet e tyre të ngushta me Uashingtonin, transmeton portali arbresh.info.

“Unë do të doja të sqaroja se ky rajon në veri dhe verilindje të Sirisë është një rajon me shumicë arabe; mbi 70 përqind e popullsisë së saj janë arabë dhe jo anasjelltas. Grupet që luftojnë atje janë një përzierje kurde dhe të tjerë; amerikanët mbështesin grupet kurde dhe i instaluan në një rol udhëheqës në mënyrë që të japin përshtypjen se është një rajon kurd dhe të krijojë një konflikt midis kurdëve dhe grupeve të tjera në Siri. Ne mbetëm në kontakt gjatë gjithë luftës me këto grupe, megjithë njohuritë tona se disa ishin duke u përdorur dhe drejtuar nga amerikanët; ata ishin të armatosur dhe financuar nga amerikanët dhe deklaratat e tyre publike u diktuan prej tyre”, tha Assad.

Presidenti shtoi se grupet kryesisht kurde në veri të Sirisë i kanë thënë zyrtarisht Damaskut se ata nuk janë të gatshëm të bashkohen me ushtrinë e qeverisë, por do të donin të mbanin armët e tyre.

“Ne po mundohemi t’i bindim këta luftëtarë në kuadrin e bashkëpunimit siriano-rus për t’u bashkuar me Ushtrinë Arabe Siriane dhe për të luftuar kundër pushtuesit turk, që është mënyra e saktë dhe e duhur për të rivendosur tokat, humbjen e së cilës kanë shkaktuar në veri të Sirisë. Ne duhet të vazhdojmë të përpiqemi dhe do të shohim se si gjërat përparojnë gjatë javëve të ardhshme”, tha Assad.

Ministria Siriane e Mbrojtjes tha se menjëherë pasi Rusia dhe Turqia nënshkruan një marrëveshje për veriun e Sirisë se ishte gati të integronte këta luftëtarë.

Marrëveshja u nënshkrua në fund të tetorit në përgjigje të operacionit të Turqisë në veri të Sirisë që kishte në shënjestër milicinë kurde, për të cilën ai beson se ishte e lidhur me grupet ekstremiste dhe Daesh.

Sipas Assadit, Turqia nuk ka gjasa të riatdhesojë tre milion refugjatë sirianë në veri të Sirisë, por edhe nëse e bën këtë, kjo mund të krijojë një “konflikt etnik”./arbresh.info/