Prokurori i Kontit Kenosha në SHBA, Michael Graveley, ka bërë të ditur se asnjë akuzë nuk do të ngrihet kundër oficerit policor që qëlloi afro-amerikanin Jacob Blake, duke e lënë atë të paralizuar, transmeton Anadolu Agency (AA).
“Është vendimi im tani… Asnjë oficer i zbatimit të ligjit në Kenosha, në këtë rast nuk do të akuzohet për ndonjë vepër penale bazuar në faktet dhe ligjit”, u tha Graveley gazetarëve në një konferencë për media.
Ai po ashtu tha se edhe kundër afro-amerikanit Blake nuk do të ngrihet asnjë akuzë.
“Kjo ishte një tragjedi, së pari dhe më e rëndësishmja, për Jacob Blake-n, i cili ende vuan lëndime të rënda. Këto janë dëmtime të përjetshme nga të cilat ai vuan edhe sot”, tha përfaqësuesi ligjor i Kontit Kenosha.
Blake u qëllua në shpinë shtatë herë nga Rusten Shesky, një oficer i bardhë i policisë, gjatë një përpjekjeje për arrestim më 23 gusht në Kenosha, Wisconsin, duke e lënë atë të paralizuar pjesërisht.
Të hënën, Departamenti i Sherifit të Kontit Kenosha shpalli zyrtarisht gjendje të jashtëzakonshme para vendimit mbi këtë rast, duke paralajmëruar “trazira, plaçkitje, dëmtime të Kontit dhe pronë të qytetit, si dhe trazira civile”.
Të shtënat ndaj afro-amerikanit shkaktuan protesta në të gjithë vendin kundër dhunës policore dhe racizmit, vetëm disa muaj pas vrasjes së afro-amerikanit George Floyd nga policia.
BE-ja e çon Hungarinë në gjykatë për shkak të ligjit kundër ...
Izraeli njofton vrasjen e kreut të qeverisë së Hamasit në Rr...
Hargreaves: Jemi krenarë për rolin tonë në FSK për progresin...
KPM miraton Planin e Veprimit për monitorimin e fushatës
Iu nënshtrua një operacioni, Kryeministria jep informacion p...
Kadrijaj i reagon Liburn Aliut për rrugën Deçan-Plavë: Kthje...