Komisioni Evropian ka deklaruar këtë të premte se kishte arritur një marrëveshje në parim për të lejuar rifillimin e tranzitit të grurit ukrainas përmes pesë vendeve të Bashkimit Evropian që kishin vendosur kufizime.
Bullgaria, Hungaria, Polonia, Rumania dhe Sllovakia kishin bërë të ditura shqetësimet e tyre se gruri nga Ukraina që synohej të eksportohej në vende të tjera kishte përfunduar në tregjet e tyre lokale, gjë që po ul çmimet për fermerët vendas, shkruan Reuters.
Nënkryetari i Komisionit Evropian, Valdis Dombrovskis shkroi në Twitter se ekzekutivi i BE-së kishte arritur një marrëveshje në parim” me pesë vendet për të adresuar shqetësimet e fermerëve në vendet fqinje të BE-së dhe Ukrainës”.
Ai tha se marrëveshja përfshinte “masa mbrojtëse” për katër produkte – grurin, misrin, farat e rapit dhe farat e lulediellit.
Siç bëri të ditur Dembrovskis, marrëveshja përfshin gjithashtu një paketë mbështetjeje me vlerë 100 milionë euro për fermerët vendas.
Pesë vendet do të bëhen rrugë tranziti për grurin ukrainas që nuk mund të eksportohej përmes porteve të Detit të Zi të vendit për shkak të pushtimit të Rusisë.
Arrestohet një grua në Prishtinë, nën ndikim të alkoolit sul...
Ministri i Jashtëm i Jordanisë do të zhvillojë bisedime me l...
Policia shqiptoi mbi 1 mijë e 400 gjoba trafiku në 24 orët e...
Vdes një person në QKUK
Policia sekuestron armë dhe municion në Rahovec, arrestohet ...
Predha godet një shtëpi në Mitrovicë Veriore, policia heton ...