Policia në Angli ka arrestuar hakerin e tretë që është i dyshuar për vjedhjen e miliona të dhënave nga kompania e telekomunikacionit TalkTalk duke marrë kështu në paraburgim një 20-vjeçar.
Policia më parë ka arrestuar një 15-vjeçar nga Irlanda dhe një 16-vjeçar nga Londra në lidhje me këtë rast derisa të dy adoleshentët tashmë janë liruar me kusht, shkruan arbresh.info.
Të dielën, 20-vjeçari ishte arrestuar në një vend në Staffordshire të Anglisë si një i dyshuar për keqpërdorim të kompjuterit. Po ashtu, dy të arrestuarit të mëparshëm janë përballur për të njëjtën vepër dhe të njëjtin rast.
Këtë muaj mbi katër milionë e-mail adresa, emra dhe numra të telefonit së bashku me detajet bankare ishin në duar të hakerëve si pasojë e një sulmi në TalkTalk, që ofron qasje në internet dhe shërbime telefonike tek bizneset dhe konsumatorët në Britani të Madhe.
‘BBC’ raportoi të dielën që numri i regjistrimeve të vjedhura është kthyer në 1.2 milionë derisa TalkTalk vazhdon ende të ketë në uebfaqe këtë mesazh “Ne jemi aktualisht duke përmirësuar sigurinë e uebfaqes tonë, që do të kthehet së shpejti online”.
Kompania ka njoftuar që ka qenë shënjestër e sulmeve kibernetike edhe më parë pasi ky i fundit është sulmi i tretë që operatori ka pësuar vetëm brenda këtij viti./arbresh.info
Arrestohet gjilanasi për armëmbajtje pa leje
Ushtria izraelite paralajmëron civilët libanezë që të largoh...
Arrestohen katër persona në Shipol për kontrabandim me emigr...
Kanosi zyrtarët policor, arrestohet një grua në Pejë
Vdes motra e Adem dhe Hamëz Jasharit
Rama publikon pamjet nga Korridori VIII: Po punohet në disa ...