Policia turke arrestoi pesë gjermanë të dyshuar si anëtarë të një organizate kurde, njoftoi një agjenci pro-kurde, e cila pa përmendur emrin e kësaj organizate, i është referuar Partisë së Punëtorëve të Kurdistanit (PKK), konsideruar si terroriste nga Ankaraja.
“Të dyshuarit janë arrestuar këtë javë dhe janë burgosur në Ankara nën akuzat e propagandës dhe pjesëmarrjes në këtë organizatë”, njoftoi sot agjencia pro-kurde Mezopotamya.
Sipas kësaj agjencie, këto arrestime u kryen në kuadër të një hetimi të ndërmarrë nga prokuroria e Ankarasë, por kjo e fundit nuk i ka konfirmuar ende këto informacione.
Ministri gjerman i Punëve të Jashtme theksoi se ishte në dijeni të kësaj çështjeje duke shtuar se ambasada gjermane në Ankara u ka dhënë ndihmë konsullore gjermanëve të ndaluar.
Ministria gjermane e Brendshme mohoi se informacionet që kishin mundësuar arrestimin e pesë gjermanëve u ishin dorëzuar autoriteteve turke gjatë vizitës së zhvilluar këtë javë në Ankara nga ministri gjerman i Brendshëm, Horst Seehofer.
“Ajo që nuk dimë, është nëse një shkëmbim i tillë informacionesh ka ndodhur në kuadër të bashkëpunimit rutinë mes shërbimeve tona të sigurisë”, deklaroi një zëdhënës i Ministrisë së Brendshme gjermane. /atsh
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...