Arrestohen dy adoleshentë, dyshohen se po përgatisnin akt terrorist

12:16 | 30 Tetor 2017
Arbresh.info

Dy djem 14-vjeçarë janë arrestuar në Yorkshire Verior nën dyshimin e  përgatitjes së aktit terrorist.

Adoleshentët janë ndaluar nga policia kundër terrorizmit dhe janë dërguar në stacion policor për intervistim, transmeton portali arbresh.info

Që nga arrestimet, janë kryer bastisje në një numër vendesh, që ishin të fokusuar në zonën e Romanby.

Një zëdhënës i policisë së Yorkshire Verior tha: “Policia e Yorkshire është duke mbështetur oficerët nga Policia kundër Terrorizmit në Lindjen e Veriut me hetimet dhe kërkimet e tyre.

“Zyrtarët besojnë se ky është një incident i izoluar dhe komuniteti më i gjerë nuk është në rrezik.

“Ne e vlerësojmë bashkëpunimin e banorëve lokalë ndërkohë që hetimi vazhdon”.

Policia tha se kuptonin se njerëzit mund të shqetësoheshin nga aktiviteti dhe ishin “mirënjohës për durimin dhe mirëkuptimin e publikut”.

Mirëpo nuk është sqaruar se për çfarë akti terrorist bëhet fjalë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm