Arrestohen 42 persona në Turqi

11:31 | 10 Korrik 2017
Arbresh.info

Policia turke i ka arrestuar 42 persona, përfshirë akademikë, nën dyshimin se kanë lidhje me klerikun që jeton në SHBA, Fethullah Gulen, raporton agjencia shtetërore e lajmeve e Turqisë, Anadolu.
Këto arrestime vijnë më pak se një javë para përvjetorit të parë të puçit të dështuar në Turqi, transmeton Express.

Anadolu raporton se operacionet policore të së hënës i kanë pasur për cak punëtorët e universiteteve turke, Bogazici dhe Medeniyet. Akademiku i njohur i universitetit Bogazici dhe kritiku i qeverisë, Koray Caliskan, dhe 19 profesorë nga shkolla mjekësore Medeniyet janë në mesin e të arrestuarve.

Turqia e fajëson Fethullah Gulenin për orkestrimin e tentim puçit të 15 korrikut dhe i ka arrestuar më shumë se 50 mijë persona deri tani të dyshuar për lidhje me grupet terroriste.

Gulen i mohon akuzat.

Shpërndaje në rrjete sociale

Lajmet më të lexuara

Të ngjashme

Foto lajm