Google ADS

Arratisja e bujshme nga tarraca e burgut: Arrestohet shefi i ‘Ngrangheta-s në Brazil

01:35 | 26 Maj 2021
Trina Galanxhi

Ka marrë fund arratisja e shefit të Ndrangheta-s, Roço Morabito.Mediat e huajabëjnë me dije se pas 27 vitesh arratisje është vënë në pranga Morabito.

Arrestimi i tij është bërë në veri të Brazilit nga një operacion i përbashkët nga karabinierët e ROS dhe Shërbimi Ndërkombëtar Policor, me bashkëpunimin e DEA, FBI dhe Departamentit të Drejtësisë të SHBA.

Shefi i Ndrangheta-s ishte në kërkim që nga viti 1994, ai ishte dënuar në Itali me 30 vite burg për trafik droge.  Morabito  ishte në listën e 10 të arratisurve të ministrisë së Brendshme italiani, i dyti më i kërkuar pas Matteo Messina Denaro.

Ndërkohë ai ishte arrestuar në vitin 2017 në Uruguaj, pas 23 vitesh në arrati, por dy vite më vonë arriti që të arratisej nga burgu i Montevideo ku po priste ekstradimin në Itali.

Roço Morabito u arrestua në një hotel në Joao Pessoa, kryeqyteti i shtetit të Paraiba, së bashku me dy të huaj të tjerë, sipas ministrit brazilian të Drejtësisë, Anderson Torres.

Shpërndaje në rrjete sociale

Lajmet më të lexuara

Të ngjashme

Foto lajm