Komisioni i Debateve Presidenciale anulloi të premten debatin e dytë televiziv mes kandidatëve Donald Trump dhe Joe Biden.
Debati do të mbahej në 15 tetor në Miami, Florida, por për shkak të diagnostikimit me koronavirus të Presidentit Trump u caktua që të mbahej në mënyrë virtuale.
Ky ndryshim u refuzua nga Presidenti Trump dhe fushata e tij që thanë se ndryshimi favorizon rivalin Biden.
Nga ana e tij Joe Biden tha se nëse nuk merrte pjesë Trump nuk do të merrte pjesë as ai.
Këto mosmarrëveshje sollën vendimin përfundimtar nga komisioni që të anullojë debatin e 15 tetorit dhe të fillojë punën për debatin e fundit të caktuar për në 22 tetor, transmeton Illyria.
Njoftimin e dha bashkëthemeluesi dhe bashkëkryetari republikan i Komisionit të Debateve Presidenciale Frank Fahrenkopf.
Presidenti Trump këmbëngul se nuk është ngjitës ndërsa mjeku i tij ka deklaruar se pret që Trump t’u rikthehet aktiviteteve me kohë të plotë këtë të shtunë, vetëm 10 ditë mbas diagnozës.
Gjykata e BE-së: Çdo grua afgane mund të aplikojë për azil n...
FIFA kërkon që dy sporte të reja të përfshihen në Lojërat Ol...
Rreth 30 familje detyrohen të evakuohen si pasojë e përmbytj...
Forcat ukrainase godasin me dronë kamikaz rafinerinë ruse në...
Lajçak për sulmin e Banjskës: Përgjegjësit duhet ndëshkuar
Përmbytjet në Bosnje, Begaj solidarizohet me qytetarët e pre...