Anija ruse 30 milje larg bazës së nëndetëseve të SHBA

17:54 | 16 Shkurt 2017
Trina Galanxhi

Një anije spiune ruse është zbuluar vetëm 30 milje larg bregut të një baze detare të nëndetëseve në Connecticut të Shteteve të Bashkuara.

Fox News raporton më herët se “SSV-175 Viktor Leonov” është zbuluar më parë edhe 70 milje larg bregut të Delaware ditën e martë.

Ndërsa anija ndodhej në ujërat ndërkombëtare, një zyrtar amerikan ka thënë se anija që përmban dhe armatime, është e aftë të interceptojë komunikime dhe tingujt.

“Ne jemi të vetëdijshëm për praninë e anijes. Anija nuk ka hyrë në ujërat territoriale. Ne e respektojmë lirinë e lundrimit nga të gjitha kombet përtej ujërave territoriale të një shteti në përputhje me të drejtën ndërkombëtare”, tha nënkolonele Valerie Henderson, një zëdhënëse e Departamentit të Mbrojtjes.

Shpërndaje në rrjete sociale

Lajmet më të lexuara

Të ngjashme

Foto lajm