Ambasadori rus paralajmëron pasojat e sulmit të SHBA-ve ndaj Sirisë

08:17 | 14 Prill 2018
V. S.

Ambasadori rus në Shtetet e Bashkuara, Anatoly Antonov, ka paralajmëruar se sulmet e Shteteve të Bashkuara mbi Sirinë “nuk do të mbeten pa pasoja”.

“Të gjitha përgjegjësitë për ta qëndrojnë në Uashington, Londër dhe Paris”, ka thënë ai në një deklaratë, shkruajnë mediat e huaja, përcjell Telegrafi.

“Paralajmërimet tona janë lënë të padëgjuara”, ka thënë tutje ai, duke shtuar: “Një skenar i paracaktuar është duke u zbatuar. Përsëri, ne jemi duke u kërcënuar”.

Presidenti i SHBA-ve, Donald Trump, ka thënë se ka urdhëruar forcat e armatosura të SHBA-ve për të nisur një sulm së bashku me Britaninë dhe Francën ndaj objektivave që lidhen me aftësitë e armëve kimike të Sirisë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm