Amazona arrin nivelin më të lartë të shpyllëzimit

17:11 | 24 Nëntor 2018
Arbresh.info

Shpyllëzimi i pyjeve të Amazon në Brazil ka arritur nivelin më të lartë në një dekadë, sipas të dhënave zyrtare.

Rreth 7.900 kilometra katrorë e pyllit më të madh në botë u shkatërrua në mes të gushtit 2017 dhe korrikut 2018, një zonë afërsisht pesë herë më e madhe se Londra.

Ministri i Mjedisit në Brazil, Edson Duarte tha se personat që prejnë pyjet ilegalisht duhet të mbajnë përgjegjësi.

Shifrat vijnë mes shqetësimeve rreth politikave të presidentit të ri të zgjedhur, Jair Bolsonaro.

Gjatë fushatës zgjedhore të vitit 2018, Bolsonaro premtoi se do kufizonte gjobat ndaj dëmtuesve të pyjeve dhe do dobësonte ndikimin e agjencisë mjedisore.

Gjithashtu është njoftuar se administrata do të bashkojë Ministrinë e Bujqësisë dhe atë të Mjedisit, gjë e cila sipas kritikëve do rrezikojë pyjet.

Shpërndaje në rrjete sociale

Lajmet më të lexuara

Të ngjashme

Foto lajm