Hugh Edwards, ish-prezantuesi britanik i lajmeve të BBC-së  dikur një figurë e respektuar dhe e njohur për çdo britanik, doli sot para një gjykate në Londër dhe u deklarua fajtor për të tre akuzat për pornografi për fëmijë, një vit pas zbulimit të skandalit që çoi në largimin nga transmetuesi publik britanik.

Edëards, 62 vjeç, foli vetëm për të konfirmuar emrin, adresën dhe datën e lindjes. Kur u mor në pyetje, ai u deklarua fajtor për të tre akuzat.

Prokurori Ian Hope tha se 41 imazhet dhe videot e fëmijëve iu dërguan Edëards nga një burrë i rritur në aplikacionin ËhatsApp midis dhjetorit 2020 dhe gushtit 2021.

Ai shtoi se shtatë nga 41 imazhet ishin të një natyre shumë serioze dhe dy nga shtatë ato ishin video pornografike të një fëmije shtatë deri në nëntë vjeç.

Edëards ishte një nga prezantuesit më të paguar të lajmeve të BBC-së (rreth 500,000 € për vitin 2022-23) dhe një nga më të njohurit në Britani.

Për më shumë se 20 vjet ai prezantoi lajmet e mbrëmjes në orën 9. Ishte ai që i njoftoi kombit vdekjen e Mbretëreshës Elizabeth në vitin 2022, ndërsa mbuloi edhe disa nga ngjarjet më të rëndësishme të viteve të fundit, si zgjedhjet, dasmat mbretërore dhe ceremonia e hapjes së Lojërave Olimpike në Londër 2012.

Edwards u pezullua në korrik të vitit të kaluar pasi ai u akuzua se kishte paguar një adoleshent për t’i siguruar atij foto nudo. Më pas ai u shtrua në spital, për shkak të depresionit./abcnews/