Aktivistët e Animal Rising vandalizuan portretin e ri zyrtar të Mbreti Karli III në një galeri në Londër këtë të martë, duke mbuluar kokën e monarkut britanik me fytyrën e personazhit Wallace, nga seriali vizatimor Wallace dhe Gromit.

Në një video të postuar në Platformën X nga grupi i të drejtave të kafshëve, dy aktivistë mund të shihen duke mbuluar kokën e mbretit me fytyrën e Wallace dhe me një mesazh duke denoncuar “trajtimin mizor” të kafshëve në fermat e certifikuara nga RSCPA, Shoqëria Mbretërore për Parandalimin e mizorisë ndaj kafshëve.

Portreti zyrtar i Karlit është ekspozuar që nga mesi i majit në Galerinë Philip Mold në Londër.

‼️BREAKING: No Cheese Gromit! King Charles Portrait Redecorated‼️ @RoyalFamily

‼️Find out why King Charles, Patron of the RSPCA should ask them to drop the Assured Scheme -> https://t.co/pTneW0QCWf 👈 pic.twitter.com/jYLHFuxtHB

— Animal Rising (@AnimalRising) June 11, 2024

Nënshkruar nga artisti i njohur britanik Jonathan Geo, portreti tregon mbretin me uniformën ushtarake të Gardës Uellsiane në një sfond të kuq.

Portreti u porosit nga The Draper’s Company, një nga repartet tregtare historike të Londrës, në selinë e të cilit piktura do të ekspozohej më vonë.

Animal Rising prezantohet si një organizatë paqësore, duke mbrojtur krijimin e një shoqërie ku njeriu “ndan një marrëdhënie pozitive me kafshët dhe natyrën”. Së fundmi ajo ka publikuar një raport që denoncon “torturën e kafshëve dhe mizorinë e tmerrshme” në shumë ferma, të cilat janë të certifikuara nga RSCPA, dhe supozohet të garantojë kushtet e duhura të mbarështimit në objektet blegtorale.

Mbreti Karli III, një kampion për një kohë të gjatë i mjedisit dhe bujqësisë së qëndrueshme, është një sponsor i RSCPA.

Vitin e kaluar, aktivistët e Animal Rising vodhën tre qengja nga Sandringham, pronë e monarkut në Norfolk, në mënyrë që të denonconin kultivimin e kafshëve për qëllime ushqimore./abcnews.al