Afrika e Jugut po përballet me valën e katërt të koronavirusit

16:52 | 3 Dhjetor 2021
A. B.

Në Republikën e Afrikës së Jugut, një nga vendet ku u zbulua për herë të parë varianti Omicron i COVID-19, filloi vala e katërt e pandemisë.

Ministri i Shëndetësisë së Afrikës së Jugut, Joe Phaahla njoftoi se vendi i cili ka një rritje të shpejtë të numrit të rasteve në ditët e fundit, që nga 3 dhjetori është në valën e katërt të pandemisë. Phaahla theksoi se lufta kundër variantit Omicron, i cili është zbuluar në 7 nga 9 shtetet e vendit, është i menaxhueshëm pa kufizime, shkruan Reuters transmeton arbresh.info

Në një deklaratë nga Michelle Groome, zyrtare e Institutit Kombëtar të Sëmundjeve Infektive të Afrikës së Jugut (NICD), thuhet se kishte një “rritje masive” të numrit të rasteve ditore në të gjithë vendin. Ajo tha se ka gjetje paraprake se varianti Omicron është më ngjitës se variantet e tjera. Sipas saj, varianti është ende shumë i ri dhe duhen të paktën 2-3 javë për të arritur në përfundim përfundimtar. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm