Afër 400 mijë persona të prekur nga shpërthimi i vullkanit në Filipine

11:11 | 28 Janar 2020
Arbresh Info

Gjithsej 104.645 familje, ose 396.731 persona, në mbarë katër provincat janë prekur deri më tani nga shpërthimi i vullkanit Taal, një nga më aktivët

Që nga shpërthimi i tij i fundit më i madh në fillim të këtij muaji, vullkani Taal ka prekur afër 400.000 persona në Filipine.

Sipas agjencisë shtetërore të lajmeve Filipine (PNA), gjithsej 104.645 familje, ose 396.731 persona, në mbarë katër provincat janë prekur deri më tani nga shpërthimi i vullkanit Taal, një nga më aktivët.

Banorët e provincave Batangas, Cavite, Laguna dhe Quezon u prekën nga shpërthimi më 12 janar, bëri të ditur agjencia e lajmeve.

Duke cituar Këshillin Kombëtar të Reduktimit të Rrezikut të Fatkeqësive dhe Këshillin Drejtues në Filipine, thuhet se 39.076 familje ende janë strehuar në 535 qendra evakuimi.

Ka rreth 150 vullkane në Azinë Juglindore, 23 të vendosura në Filipine./AA

Shpërndaje në rrjete sociale

Lajmet më të lexuara

Të ngjashme

Foto lajm