Aeroplani rrëzohet në një autostradë në Kaliforni, pilotin e shpëtojnë para se fluturakja të përfshihej nga zjarri

14:59 | 24 Tetor 2018
Arbresh.info

Policia amerikane ka njoftuar se piloti ka shpëtuar pa ndonjë lëndim, kur aeroplani i tij me një motor i Luftës së Dytë Botërore u rrëzua dhe u përfshi nga zjarri në një autostradë në jug të Kalifornisë.

Aeroplani që ishte lyer me ngjyra të ushtrisë gjermane por që në fakt ishte amerikan i tipit AT-6, ishte rrëzuar në mes të autostradës dhe ekipet emergjente kanë arritur ta nxjerrin pilotin para se fluturakja të përfshihej nga zjarri, transmeton Telegrafi.

Për fat të mirë asnjë veturë nuk është përfshirë në përplasje, ndërsa si pasojë e këtij incidenti janë krijuar kolona të gjatë të veturave në këtë autostradë të Los Angeles.

Aeroplani AT-6 i përkiste skuadriljes amerikane Condor që performojnë në grup gjatë paradave. Ndërkaq njohësit e kësaj fushe e kanë lavdëruar shoferin i cili ka arritur të bie në tokë pa e goditur asnjë veturë në autostradë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm