Google ADS

Abbas flet në Këshillin e Sigurimit për Jerusalemin

09:04 | 2 Shkurt 2018
Arbresh.info

Presidenti i Autoritetit Palestinez, Mahmud Abbas, do të flas në Këshillin e Sigurimit të Kombeve të Bashkuara, në përgjigje të vendimit të administratës amerikane për njohjen e Jerusalemit për kryeqytet të Izraelit.

Ambasadori i Kuvajtit në OKB, Mansour al-Otaibi, që është kryesues i Këshillit të Sigurimit për këtë muaj, tha mbëmë në një konferencë për gazetarë, se qeveria e tij e ka ftuar zotin Abbas për të folur në takimin mujor për Lindjen e Mesme më 20 shkurt.

Otaibi tha se fjalimi i Abbasit do të jetë “i rëndësishëm dhe i dobishëm” për shtetet anëtare të Këshillit të Sigurimit të OKB-së.

“Asnjë anëtar i këshillit nuk e ka kundërshtuar propozimin” që Abbas të flas në Këshillin e Sigurimit, tha Otaibi.

Palestinezët e shohin pjesën lindore të Jerusalemit si kryeqytet të shtetit të tyre të ardhshëm. Izraeli e ka aneksuar Jerusalemin Lindor dhe e ka shpallur kryeqytet, por ky vendim asnjëherë nuk është njohur nga komuniteti ndërkombëtar.

Shpërndaje në rrjete sociale

Lajmet më të lexuara

Të ngjashme

Foto lajm