Abbas Araghchi, ish-negociatori i Iranit për çështje bërthamore, diplomat i edukuar në Perëndim, është nominuar në pozitën e ministrit të Jashtëm të Iranit.
Nominimin e ka bërë presidenti reformist i këtij vendi, Masud Pezeshkian.
Presidenti e ka prezantuar këtë emër para Asamblesë Konsultative Islamike të Iranit, dhe ky trup tani ka dy javë për të analizuar listën e dorëzuar prej presidentit, dhe të marrë më pas vendimin.
Araghchi, 61-vjeçar, ka qenë kryenegociator i Iranit për bisedimet bërthamore, të zhvilluara mes Iranit dhe fuqive botërore në periudhën 2013-2021.
Ai ka shërbyer edhe si i dërguar i Iranit në Estoni, Finlandë dhe Japoni.
Araghchi ka qenë zëdhënës i Ministrisë së Jashtme gjatë presidencës së Hasan Rouhanit, i cili është kritikuar ashpër prej iranianëve të linjës së ashpër lidhur me reformat që ka synuar t’i kryejë gjatë tetë vjetëve në pushtet.
Araghchi e ka mbajtur pozitën e zëvendësministrit të Jashtëm prej vitit 2013./rel/
Osmani: Zëri i guximshëm i të mbijetuarve të dhunës seksuale...
Hapet panairi ndërkombëtar AGROKOS, Kurti: Kosova po bëhet g...
CNN: Izraeli finalizon planin për sulmin hakmarrës ndaj Iran...
Arrestohet një person i dyshuar për vrasje në tentativë dhe ...
Maqedonci:Një tjetër premtim i mbajtur
Mbyllet konkursi për pranimin e ushtarëve të rinj, aplikuan ...