Rusia shprehet se çdo zgjatje e marrëveshjes historike të korrikut, e cila lejoi zhbllokimin e drithërave në Detin e Zi, varet nga lehtësimi i eksporteve bujqësore dhe të plehrave të Rusisë nga Perëndimi.
Marrëveshja pritet të zgjatet muajin e ardhshëm.
Bisedimet në shumë nivele janë duke u zhvilluar, duke përfshirë një raund takimesh midis përfaqësuesve të OKB-së dhe Kremlinit në Moskë.
Të dyja palët kanë thënë se janë të hapura për diskutime, por Rusia këmbëngul se kushtet përfshijnë lirimin e eksportit të materialeve të nevojshëm për prodhimin e plehrave, që përfshijnë amoniak dhe shumë prej tyre prodhohen në Federatën Ruse.
Marrëveshja e korrikut, e cila u ndërmjetësua nga Kombet e Bashkuara dhe Turqia, mundësoi rifillimin e eksporteve të grurit nga portet e Ukrainës të bllokuara nga Rusia në Detin e Zi.
Por, megjithëse marrëveshja lejonte dërgesat e plehrave nga Rusia, Moska u ankua se kishte ende pengesa.
Kombet e Bashkuara thonë se përparimi në rinovimin e marrëveshjes është jetik për të menaxhuar krizën globale të ushqimit, e cila është rënduar nga lufta e Rusisë në Ukrainë./euronews.al/
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent