Nëntë persona mbetën të plagosur si pasojë e të shtënave me armë në një shëtitore në qytetin e Hollivudit në shtetin e Floridës, duke bërë që njerëzit të vraponin përgjatë bregdetit, që ishte mjaft I populluar ndërsa festohej Dita e të Rënëve.
Autoritetet shëndetësore njoftuan se të plagosur mbetën tre fëmijë dhe 6 të rritur dhe se të gjithë ishin në gjendje të qëndrueshme.
Zëdhënësja e policisë, Deanna Bettineschi tha se ishin goditur dhe 4 fëmijë të moshës 1 deri 17 vjeç dhe pesë të rritur mes moshës 25 dhe 65 vjeç.
Ngjarja ndodhi pak përpara orës 7 të pasdites, sipas orës lokale në shtetin e Floridës. Nisja e një debati u përshkallëzua në përdorimin e së paku një arme ndërsa u regjistruan disa të shtëna.
Së paku një person ndodhet në paraburgim për ngjarjen, por forcat policore vazhdojnë kërkimet për të dyshuar të tjerë.
Zyrtarë të policisë thanë se gjatë kohës që u regjistrua përplasja me armë, në zonë ndodheshin mijëra njerëz, por edhe dhjetra oficerë policie të cilët reaguan menjëherë.
Policia tha se në vendngjarje do të ketë prani të shtuar të oficerëve ndërsa vazhdojnë hetimet./VOA/
Trepça nesër luan sfidën e dytë për kualifikim në Ligën e Ka...
Hoxha vizitë zyrtare në Ankara, merr pjesë në panairin e sig...
Një vit nga sulmi, Manastiri i Bajnskës mbyllet nga 23 deri ...
Nis seanca plenare në Kuvend, mbahet një minutë heshtje në n...
Posta e Kosovës paralajmëron qytetarët për mashtrime me SMS:...
Granit Xhaka e Leverkuseni nisin sot aventurën në Champions ...