Në dy dekadat e fundit, Vladimir Putin, nuk ka shfaqur frikë që të tregojë taktikat e tij të ngacmimit.

Putin, 69 vjeç, erdhi në pushtet në Rusi në vitin 2000 dhe është udhëheqësi më jetëgjatë i Kremlinit që nga diktatori sovjetik Josif Stalin, transmeton portal arbresh.info

Ndërsa ishte në detyrë, ish-agjenti i KGB-së ka treguar në mënyrë agresive vendosmërinë e tij për të rikthyer fuqinë ruse përballë SHBA-së dhe aleatëve të saj në NATO.

Në vitin 2018, Putin u rizgjodh President për gjatë vjet në një votim kombëtar të diskutueshëm, mandat që i dha atij fuqinë për të qëndruar në detyrë deri në vitin 2024.

Vladimir Putin, gjithmonë rënien e Bashkimit Sovjetik e ka përshkruar si “katastrofën më të madhe gjeopolitike të shekullit të 20-të”.

Ai e ka bërë publike pakënaqësinë e tij për zgjerimin e NATO-s pranë kufijve rusë, duke rritur ushtrinë dhe duke rindezur dyshimin perëndimor për qëllimet e tij për herë të parë që nga Lufta e Ftohtë.

Në 20 vitet e fundit, Putini ka treguar se çfarë dhunuesi është dhe si planifikon të ushtrojë fuqinë e tij mbi armikun e perceptuar të Perëndimit.

Nga pushtimi më i fundit i Ukrainës deri te tentativat për vrasje të kritikëve, Mirror ka gjetur të paktën shtatë shenja paralajmëruese për botën nga Putini përpara se Rusia të pushtonte Ukrainën.

Lufta e dytë çeçene – 1999-2000

Në shtator të vitit 1999, një seri shpërthimesh në Buynaksk, Moskë dhe Volgodonsk vranë më shumë se 300 dhe plagosën 800 njerëz.

Për këto sulme, Putin fajësoi rebelët çeçenë dhe tha: “Ne do t’i ndjekim kudo… Do t’i kapim në tualet. Ne do t’i tërheqim edhe nga shtëpia”.

Këto bombardime ishin justifikimi për fillimin e Luftës së Dytë Çeçene dhe e ndihmuan Putinin të rritet në popullaritet.

Konflikti i armatosur u luftua midis viteve 1999 dhe 2000, por ndikimet e gjera janë ndjerë prej vitesh që nga ajo kohë.

Rusia vendosi kontroll të drejtpërdrejtë mbi Çeçeninë në maj të vitit 2000, jo shumë kohë pasi Putini erdhi në pushtet, dhe ushtroi kontroll politik për disa vite.

Nga mesi i viteve 2000, Putin transferoi një pjesë të pushtetit te forcat çeçene pro-ruse.
Kritikat ndërkombëtare për këtë luftë ishin të shumta pasi spekulohej se Shërbimi Federal i Sigurisë (FSB), agjencia pasardhëse e KGB-së, ka të ngjarë të qëndronte pas bombardimeve që i dhanë Putinit dritën jeshile për të filluar luftën.

Vdekja e Alexander Litvinenko – 2006

Alexander Litvinenko ishte një ish-oficer i FSB dhe KGB.

Pas largimit në Britani të Madhe, ai u bë kritik i zëshëm i Putinit dhe theksoi se brenda qeverisë ruse ka shumë korrupsion.

Në vitin 2006, Litvinenko u vra nga Andrey Lugovoy dhe Dmitry Kovtun nga helmimi nga sindroma akute e rrezatimit të shkaktuar nga polonium-210.

Spekulimet dhe hetimet globale nga autoritetet britanike çuan në përkeqësim të marrëdhënieve mes Britanisë dhe Rusisë.

Për rastin, kurrë nuk është ngritur asnjë akuzë, por një përfaqësues i Scotland Yard dëshmoi gjatë një seance dëgjimore publike gati 10 vjet më vonë duke thënë se “provat sugjerojnë se i vetmi shpjegim i besueshëm është në një mënyrë ose në një tjetër se shteti rus është i përfshirë në vrasjen e Litvinenkos”.

Aneksimi i Krimesë – 2014

Putin aneksoi gadishullin e Krimesë nga Ukraina, gjë që shkaktoi dënime ndërkombëtare.

Presidenti rus rriti praninë ushtarake në gadishull, pasi u cilësua si shkelje e ligjit ndërkombëtar.

Qeveria ruse ka refuzuar ta cilësojë atë një “aneksim”, pasi Putin pohon se ai po mbron vetëvendosjen e popullit të saj.

Ndërhyrja në luftën e Sirisë – 2015

Putin u përfshi në luftën civile siriane kur nisi sulmet ajrore në mbështetje të liderit sirian Bashar al-Assad.

Ai pretendoi se sulmet ajrore ishin për të ndihmuar shkatërrimin e organizatës terroriste ISIS, por ndërhyrja ruse e ktheu luftën civile në favor të Assadit.

Deri në dhjetor të vitit 2017, trupat ruse ishin të vendosura në Siri.

Fushata ushtarake e Putinit në Siri tërhoqi kritika të rëndësishme nga Perëndimi pasi OJQ-të thanë se sulmet e tij ajrore vranë më shumë civilë dhe fëmijë sesa terroristët që ai pretendonte se kishte në shënjestër.

Rusia ndërhyn në zgjedhjet amerikane – 2016

Prej kohësh dyshohej se Putin ishte i përfshirë në ndërhyrjen në zgjedhjet amerikane të vitit 2016.

Në vitin 2018, një agjenci ruse interneti dhe më shumë se një duzinë rusë janë akuzuar për ndërhyrjen në fushatën zgjedhore .

Ajo u pa si një përpjekje e shumëfishtë për të mbështetur Donald Trump dhe për të mposhtur rivalen e tij, Hilary Clinton.

Putini i ka mohuar vazhdimisht pretendimet, pavarësisht një raporti në prill 2019 nga hetimi i kryer nga

Prokurori i Posaçëm i SHBA-së Robert Mueller që tregon “prova të lidhjeve të shumta” midis zyrtarëve që punojnë në fushatën presidenciale të Trump dhe individëve “që kanë ose pretendojnë lidhje me qeverinë ruse”.

Helmimet në Salisbury – 2018

Ish-oficeri ushtarak rus Sergei Skripal dhe vajza e tij, Yulia, u gjetën pa ndjenja në një stol në Salisbury, Angli, në mars 2018, përpara se të shtroheshin në spital pasi kishin rënë viktimë e një sulmi në Novichok.

Ish-kryeministrja e Britanisë së Madhe, Theresa May, atëkohë tha se “ka të ngjarë që qeveria ruse qëndron pas sulmit”.

SHBA, BE, Britania e Madhe dhe Kanadaja dëbuan kolektivisht më shumë se 100 diplomatë rusë dhe Putin u hakmor duke dëbuar diplomatë perëndimorë.

Të dy Sergei dhe Julia kaluan disa javë në spital në gjendje kritike, përpara se të liroheshin.

Disa muaj më vonë, dy shtetas britanikë u helmuan me të njëjtin agjent nervor pasi një Charlie Roëley gjeti një shishe parfumi dhe ia dha Daën Sturgess-it, i cili e spërkati atë në kyçin e dorës.

Fatkeqësisht, Daën vdiq dhe Charlie mbijetoi – pasi policia tha se nuk ishte një sulm i synuar, por rezultat i mënyrës se si u asgjësua agjenti nervor.

Autoritetet britanike më vonë identifikuan dy shtetas rusë, duke përdorur emrat Alexander Petrov dhe Ruslan Boshirov, si të dyshuar për helmimin e Skripalëve.

Thuhet se ata ishin oficerë aktivë në inteligjencën ushtarake ruse.

Burgimi i Alexei Navalny – 2021

Udhëheqësi i opozitës ruse Alexei Navalny aktualisht po vuan një dënim prej tre vjet e gjysmë për një akuzë për përvetësim.

Ai u kthye në Rusi në vitin 2021, pasi i mbijetoi një tentative helmimi në vitin 2020.

Gjatë një fluturimi nga Tomsk në Moskë në vitin 2020, Navalny u sëmur dhe avioni bëri një ulje emergjente.

Ai aktualisht përballet me 15 vjet të tjera burg, ndërsa një gjyq i ri po zhvillohet për një akuzë të veçantë për përvetësim. Navalny i mohon akuzat./arbresh.info/