Izraeli ka njoftuar se forcat e tij ushtarake kanë gjetur trupat e pajetë të 6 pengjeve të mbajtura nga Hamasi në Rripin e Gazës.
Në një deklaratë, Forcat e Mbrojtjes të Izraelit (IDF) thanë se trupat u gjetën të shtunën (31 gusht) në një tunel nëntokësor në zonën Rafah.
Pengjet u identifikuan si Carmel Gat, Eden Yerushalmi, Hersh Goldberg-Polin, Alexander Lobanov, Almog Sarusi dhe Master Sgt Ori Danino, ndërsa IDF tha se ata ishin “vrarë brutalisht nga terroristët e Hamasit pak para se të arrinim t’i shpëtonim”.
Në deklaratën e saj të dielën në mëngjes, IDF tha se trupat ishin rikthyer në territorin izraelit.
“Ata u morën të gjithë peng më 7 tetor 2023 dhe u vranë nga organizata terroriste Hamas në Rripin e Gazës. Familjet e tyre tashmë janë njoftuar”, tha IDF
Mes pengjeve të vrarë ishte edhe një shtetas amerikan, për të cilin reagoi edhe presidenti amerikan Joe Biden, i cili tha se ishte “i shkatërruar dhe i zemëruar” nga lajmi.
Ushtria izraelite nisi një fushatë në Gaza për të shkatërruar Hamasin në përgjigje të sulmit të paprecedentë në Izraelin jugor më 7 tetor, gjatë të cilit u vranë rreth 1200 njerëz dhe 251 të tjerë u morën peng. Më shumë se 40,530 njerëz janë vrarë në Gaza që atëherë, sipas ministrisë së shëndetësisë të territorit të Hamasit. Ndërmjetësuesit e SHBA-së, Egjiptit dhe Katarit po përpiqen të ndërmjetësojnë një marrëveshje armëpushimi.
/rtsh.al/
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...
Flick ka katër opsione për ta zëvendësuar Olmon e lënduar nd...
I dyshuari për atentat ndaj Trumpit akuzohet për dy vepra pe...
Bislimi udhëton në Bruksel, nesër takimi në kuadër të dialog...