Me 27.543 raste të reja të koronavirusit të ri (COVID-19) në 24 orët e fundit në Rusi është shënuar shifra “më e lartë e rasteve ditore” që nga fillimi i pandemisë, transmeton Anadolu Agency (AA).
Qendra për Kontrollin dhe Parandalimin e Infeksioneve të Koronavirusit njoftoi se me 27.543 raste të reja është shënuar shifra më e lartë e rasteve ditore duke e arritur numrin e rasteve në 2.215.533 ndërsa me 496 vdekje të reja numri i viktimave është rritur në 38.558.
Norma e rritjes ditore e numrit të rasteve në Rusi nga 1.2 është rritur në 1.3 për qind.
Në Rusi numri i të shëruarve është rritur në 1.712.174, përfshirë 26.682 pacientë të shëruar në 24 orët e fundit.
Në kryeqytetin Moskë në 24 orët e fundit janë regjistruar 7.918 raste të reja, me çka numri i tyre është rritur në 585.095 ndërsa me 77 vdekje të reja, numri i viktimave në kryeqytet u rrit në 8.680.
Vaksinimi masiv i vaksinës kandidate “EpiVakKorona” do të fillojë në 2021
Shërbimi i Mbrojtjes së Shëndetit të Njeriut dhe të Drejtave të Konsumatorit në Rusi njoftoi se në 24 orët e fundit janë kryer 543 mijë teste të COVID-19 ndërkohë numri i testeve të kryera deri më sot tejkalon shifrën 74.8 milionë.
Në deklaratë thuhet se vaksinimi masiv i vaksinës kandidate “EpiVakKorona” të zhvilluar nga Qendra e Hulumtimeve Vektor do të fillojë në vitin 2021.
Do të vaksinohen mbi 400 mijë ushtarë rusë
Ministri rus i Mbrojtjes, Sergey Shoygu tha se janë vaksinuar mbi 2.500 ushtarë rusë. “Planifikohet të vaksinohen mbi 400 mijë ushtarë rusë”, tha ai.
Rastet e para me COVID-19 në Rusi u regjistruan më 31 janar ndërsa vdekja e parë më 19 mars. Dje në vend u regjistruan 25.487 raste dhe 524 jetë të humbura.
Në kuadër të masave të ndërmarra kundër COVID-19 në Rusi më 28 tetor hyri në fuqi vendosja e detyrueshme e maskave në hapësira publike, në mjetet e transportit publik, në taksi, në parkingun e automjeteve dhe në ashensorë. Në vend gjatë orës 23:00-06:00 janë ndaluar aktivitetet në vendet e argëtimit, restorante, bare dhe kafene.
Luiz Ejlli vjen me këngën e re “Picirruke”
I dyshuari për atentatin ndaj Trumpit la një letër që tregon...
Sarrazin folës në Forumin Ekonomik Gjermano-Kosovar
“Përfundove nga tenor në dasmaxhi”, reagon Maestro: Hodha në...
Enis Zabërgja njofton pensionimin nga futbolli aktiv
Vuçiq thotë se do të dekorojë përfaqësuesit e shteteve që vo...