36 ushtarë pro-qeveritarë të vrarë në sulmin ajror turk

20:22 | 3 Mars 2018
Arbresh.info

 Të paktën 36 ushtarë pro-qeveritarë janë vrarë nga një sulm ajror turk në rajonin e Afrinit, thotë një grup monitorues.

Sulmi kishte në cak një kamp në Kafr Jina në rajonin verior të Sirisë, njofton Observatori Sirian i të Drejtave të Njeriut, transmeton portali arbresh.info

Trupat pro-qeveritarë hynë në Afrin dy javë më parë për të mbështetur forcat kurdë.

Ata janë duke luftuar ofensivën ushtarake turke që është nisur për të pastruar Afrinin nga grupet kurdë.

Turqia i konsideron milicët kurdë terroristë.

Qeveria siriane ka denoncuar ofensivën si një “sulm të ashpër” mbi sovranitetin e saj dhe, sipas mediave shtetërore, forcat u dërguan për të mbështetur kurdët.

Sulmi ajror ndoqi një nga ditët më të përgjakshme për trupat turke që kur filluan ofensivën në janar.

Tetë ushtarë turq u vranë dhe 13 të tjerë u plagosën të enjten në luftimet në Afrin./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm