21 minatorë humbin jetën nga shembja e minierës në Kinë

14:09 | 13 Janar 2019
Arbresh.info

Zyrtarët kinezë kanë njoftuar se së paku 21 minatorë kanë humbur jetën për shkak të shembjes së një pjese të minierës së thëngjillit në Kinë.

Ekipet e emergjencës i kanë shpëtuar 69 minatorë që ishin ngujuar në minierën “Lijiagou” që ndodhet afër qytetit Shenmu. Agjencia shtetërore e lajmeve ka njoftuar se shkaku i shembjes është duke u hetuar nga autoritetet.

Miniera “Lijiagou” menaxhohet nga kompania “Baiji”, ndërsa nuk janë dhënë hollësi të tjera për të. Aksidentet në miniera janë mjaft të shpeshta në Kinë, pavarësisht përpjekjeve për t’i përmirësuar kushtet e sigurisë.

Sipas të dhënave të administratës kineze për sigurinë në miniera të thëngjillit, 375 minatorë kanë humbur jetën vetëm gjatë vitit 2017, shkruan “BBC”

 

Shpërndaje në rrjete sociale

Lajmet më të lexuara

Të ngjashme

Foto lajm