Pandemia e Covid-19 ka dhënë një goditje të fuqishme në vitin 2020, por edhe mposhtja e Donald Trump nga Joe Biden nuk kaloi lehtë, më lëvizja Black Lives Matter dhe lufta mes Armenisë dhe Azerbejxhanit kanë tronditur botën.

Këtu janë disa nga ngjarjet kryesore të vitit:

• Virusi i mistershëm

Më 11 janar, më pas se dy javë pasi u paralajmërua një grup rastesh pneumonie “me shkaqe të panjohura”, Pekini njofton vdekjen e tij të parë nga një sëmundje e cila do të bëhet e njohur si Covid-19. Nga marsi është shpallur një pandemi dhe një muaj më vonë gjysma e njerëzimit hyri në bllokim ndërsa qeveritë përpiqen të ndalojnë përhapjen e saj. Në nëntor, kompanitë e barnave shpallin rezultate pozitive për disa vaksina pasi vala e dytë e rasteve godet planetin. Goditjen më të rëndë nga pandemia e ka përjetuar SHBA-të me rreth 1.7 milionë njerëz të vdekur, transmeton portal arbresh.info

• Ruleti iranian

Bota e ka mbajtur frymën pasi komandanti i lartë iranian Qasëm Soleimani u vra gjatë një sulmi me dron amerikan në Irak më 3 janar, disa ditë protestuesit pro-iranianë sulmuan ambasadën amerikane në Bagdad. Irani është hakmarrë duke lëshuar një breshëri raketash në bazat ushtarake në Irak, që strehonin trupat amerikane. Të njëjtën ditë, ajo rrëzon një avion ukrainas të pasagjerëve “gabimisht” pak pasi u ngrit nga Teherani, duke vrarë të gjithë 176 personat në bord. Tensionet rriten përsëri në fund të nëntorit kur u vra shkencëtari i lartë bërthamor iranian Mohsen Fakhrizadeh. Për vrasjen e tij, Teherani fajësoi Izraelin.

• Loja Brexit

Britania u bë vendi i parë që u largua nga Bashkimi Europian më 31 janar pas referendumit të saj për Brexit më 2016. Por bisedimet thelbësore mbi lidhjet e ardhshme dhe tregtinë me bllokun zvarriten për muaj, duke thyer afatin pas afatit ndërsa negociatorët u përpoqën që të shmangin një Brexit të vështirë përpara marrëveshjes së arritur në prag të Krishtlindjeve. Ndërsa Kryeministri britanik Boris Johnson pretendon fitoren, udhëheqësi anti-Brexit i Skocisë Nicola Sturgeon thotë se e ardhmja e saj është “një komb i pavarur, europian”.

• Marrëveshja SHBA-Talibanët

SHBA-të dhe Talibanët nënshkruan një marrëveshje në Doha më 29 shkurt, ku thuhet se të gjitha forcat e huaja  të lënë Afganistanin deri në maj 2021, pas gati dy dekadash luftë. Pentagoni do të tërheqë 2,000 nga 4,500 ushtarë amerikanë jashtë vendit deri në 15 janar 2021, transmeton portali arbresh.info

• Vrasja e George Floyd

Vrasja e George Floyd, një afrikano-amerikan 46-vjeçar, nga oficerë të bardhë të policisë në 25 maj në Minneapolis ndez protesta në të gjithë SHBA dhe frymëzon tubime anti-racizëm në të gjithë botën. Lëvizja Black Lives Matter çoi në një debat të madh rreth racës dhe përmbysjes së statujave të figurave të lidhura me skllavërinë ose kolonizimin, transmeton portal arbresh.info

• Shtypja në Hong Kong

Në qershor, një vit pas një vale masive demonstratash, Kina imponon një ligj të ri gjithëpërfshirës të sigurisë në Hong Kong që kundërshtarët thonë se minon liritë e qytetit gjysmë-autonom, premtuar nën dorëzimin e tij nga Britania në 1997. Ligjvënësit pro-demokracisë rrëzohen, ngacmohen dhe arrestohen. Në dhjetor, tre aktivistë të shquar të Hong Kongut burgosen, përfshirë Joshua Ëong.

• Shpërthimi në Bejrut

Një shpërthim masiv më 4 gusht në Bejrut, ka shkatërruar pjesën më të madhe portit dhe disa pjesë të kryeqytetit duke vrarë më shumë se 200 dhe duke plagosur të paktën 6,500 njerëz. Shpërthimi nga një rezervë e madhe e plehrave të nitratit të amonit shkatërroi ekonominë libaneze.

• Kriza në Bjellorusi

Fitorja e diskutueshme e presidentit të fortë të Bjellorusisë, Alexander Lukashenko në zgjedhjet e 9 gushtit ndezi katër muaj protesta anti-qeveritare. Shumë mbështetës të opozitës janë burgosur.

• Tensionet Kinë – SHBA

2020 ka sjellë tensione mes SHBA-ve dhe Kinës. Kjo ka ndodhur pasi Trump e quajti koronavirusin ‘virus kinez’ dhe pasi tha se ‘Kina është përgjegjëse për vrasjen masive në botë që po ndodh për shkak të virusit’. Ata gjithashtu përplasen për shtypjen e pakicës ujgure turqishtfolëse në rajonin kinez të Xinjiang, si dhe ligjin e sigurisë kombëtare të vendosur në Hong Kong, transmeton portal arbresh.info

• Biden e mposht Trumpin

Amerikanët e ndarë si asnjëherë më parë, në një numër rekord pjesëmarrësish në zgjedhje kanë votuar për demokratin Joe Biden, dhe kanë larguar nga Presidenca Donald Trump. Pas katër ditësh kafshimi të thonjve, Biden merr Shtëpinë e Bardhë me shtatë milion vota. Trump ende nuk e ka pranuar humbjen.

• Lufta në Nago-Karabak

Luftimet e rënda për rajonin e Nagar-Karabakut të populluar nga Armenët, i cili u shkëput nga Azerbajxhani pas një lufte në vitet 1990, vazhduan për 45 ditë. Mijëra njerëz kanë vdekur përpara një marrëveshje paqeje të ndërmjetësuar nga Kremlini në 9 nëntor, me armenët që humbin territore të mëdha ndaj forcave të Azerbajxhanit./Arbresh.info/