Google ADS

2 të vdekur, 6 të plagosur në sulmin me thikë në Finlandë

19:49 | 18 Gusht 2017
Arbresh.info

Dy persona kanë vdekur dhe gjashtë të tjerë janë lënduar në sulmin me thikë në qytetin finlandez të Turku, njofton policia.

Policia tha që momentalisht është vetëm një i dyshuar në këtë rast, duke shtuar që nuk është e qartë nëse incidenti ka lidhje me terrorizëm, transmeton portali arbresh.info.

Gazeta Turun Sanomat raportoi se një i moshuar dhe një djalë i ri ishin midis të lënduarve, duke cituar një dëshmitar okular.

Sipas gazetës, në vendin e ngjarjes janë ambulanca të shumta.

Autoritetet kanë paralajmëruar njerëzit që të qëndrojnë larg qendrës së qytetit pas sulmit, që raportohet se u zhvillua në zonën Puutori-Market Square.

Sipas policisë, siguria mbarëkombëtare do të përforcohet pas goditjes, me patrulla shtesë dhe mbikëqyrje të rritur në të gjithë Finlandën./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm