Aeroplani i vogël përplaset në një bllok banesash pranë Bicesterit të Anglisë

20:30 | 2 Prill 2022
Fjolla Bajraktari

Një aeroplan i vogël është përplasur në një bllok pallatesh pranë Bicester të Anglisë.

Policia e Luginës së Thames njoftoi se aksidenti ndodhi gjatë ditës së sotme dhe se piloti është dërguar në spitalin John Radcliffe, por nuk dihet shkalla e lëndimeve të tij.

Blloku i ri i banesave jashtë Camp Road, Upper Heyford, ishte i pabanuar dhe oficerët thanë se askush tjetër nuk u lëndua.

Një dëshmitar okular përshkroi se kishte parë pilotin duke zbritur me parashutë në çatinë e bazës së vjetër të RAF, raporton bbc.

“Unë ngrita sytë dhe pashë djalin që kërceu nga ky aeroplan dhe mendova, ky është një vend i çuditshëm për t’u hedhur me parashutë”, tha Tisa Kilby.

Shërbimi i Ambulancës Qendrore Jugore tha se viktima, një “zotëri i moshuar” u trajtua në vendngjarje përpara se të dërgohej në spital./alsat.mk/

Shpërndaje në rrjete sociale

Lajmet më të lexuara

Të ngjashme

Foto lajm