Pesëmbëdhjetë vjet më parë, më 30 dhjetor 2006, ish-presidenti i Irakut, Saddam Hussein, u ekzekutua me varje.

Ekzekutimi erdhi tre vite pas arrestimit dhe gjykimit të tij nga nja gjykatë irakiane ku edhe u shpall fajtor për krime kundër njerëzimit, transmeton portal arbresh.info

Forcat aleate të udhëhequra nga ushtria amerikane filluan pushtimin e Irakut në vitin 2003, operacion që u quajt “Liria e Irakut”, me preteksin se Saddam kishte grumbulluar armë të shkatërrimit në masë.

U dëshën më pak se një muaj për të thyer rezistencën e ushtrisë irakiane, por armët e Saddamit nuk u gjetën kurrë.

Rreth 600 ushtarë morën pjesë në një operacion kërkimi të quajtur Red Daën, bazuar në një film antikomunist amerikan të vitit 1984. Ishte ndoshta “gjuetia” më e madhe për një njeti.

Ai u gjet më 13 dhjetor 2003, pas një kërkimi tetë muajsh, bazuar në inteligjencën, “në një vrimë miu” pranë vendlindjes së tij, Tikrit.

“Ne e kemi atë”, njoftoi të nesërmen në Bagdad kreu i administratës civile amerikane në Irak, Paul Bremer.

Në filmimet e kohës së arrestimit, xhelati irakian dukej si endacak, me fytyrën plot kafshime nga pleshtat.

Ai u tha ushtarëve që e kapën në anglisht: “Unë jam Saddam Hussein, presidenti i Irakut dhe dua të negocioj”.

Ai nuk bëri rezistencë, ndërsa pranë tij u gjetën dy kallashnikovë dhe 750 mijë dollarë cash.
Amerikanët ia dorëzuan autoriteteve irakiane një vit më vonë për t’u gjykuar në një gjykatë speciale të Irakut për krime kundër njerëzimit.

Gjyqi zgjati nga tetori 2005 deri në korrik 2006. Sadami sfidues, i cili kishte sfiduar legjitimitetin e gjykatës gjatë gjithë kohës, u dënua me vdekje më 5 nëntor 2006.

Xhelatët e tij incizuan momentin e ekzekutimit. “Nuk pashë asnjë shenjë frike,” tha ish-këshilltari Mufak al-Rubi, i cili ishte i pranishëm në ekzekutim. Ai u burgos tre herë gjatë regjimit të Sadamit.

Ndërsa njeriu që sundoi Irakun për më shumë se 30 vjet u shpall i vdekur, shiitët, të cilët vuajtën më shumë nën sundimin e tij, dolën në rrugë dhe u gëzuan.

Ekzekutimi brutal, në të cilën ushtria amerikane pretendon se nuk kishte gisht, tronditi sunitët dhe ndezi dënim ndërkombëtar, me përjashtim të Izraelit dhe Iranit.

Një ditë pas ekzekutimit, Sadami u varros në fshatin e tij të lindjes Auji, afër Tikrit, së bashku me dy djemtë e tij, Uday dhe Qusay, të cilët u vranë në të njëjtën ditë në një operacion amerikanë në Mosl.

Nën sundimin e tij nga viti 1979 deri në 2003, represioni ishte brutal dhe lufta me Iranin (1980-1988) dhe Lufta e Gjirit (1990-1991) dhe sanksionet shoqëruese patën një efekt shkatërrues në vend./arbresh.info/