Përpos bisedimeve Kosovë – Serbi, që pritet të sjellin një marrëveshje më së paku në muajin prill të vitit 2019, janë edhe disa ngjarje nëpër botë, që priten me ankth sespe mund të ndikojnë kahjet e progresit ose regresit botëror.
Më poshtë është lista kronologjike e 10 prej ngjarjeve më të rëndësishme që parashikohen të ndodhin në vitin 2019, e të cilat do të monitorohen nga mediat dhe fuqitë botërore.
Një president i ri në Brazil
1 janar: I zgjedhur në tetor, Jair Bolsonaro, ish-ushtarak i së djathtës ekstreme, nis mandatin për 4 vite në fuqinë më të madhe ekonomike të Amerikës Latine.
Zgjedhjet të përgjithshme në Nigeri
16 shkurt: Zgjedhje presidenciale dhe parlamentare në Nigeri, shteti me popullsinë më të madhe dhe fuqia e parë ekonomike afrikane, por edhe vendi ku xhihadistët janë aktivë.
Referendumi i kushtetutës në Kubë
24 shkurt: 60 vjet pas revolucionit, kubanezët shkojnë në një referendum për një kushtetutë të re, që për herë të parë njeh ekonominë e tregut, pronën private dhe hap mundësinë e martesave homoseksuale.
Brexit
29 mars: Britania e Madhe largohet nga Bashkimi Europian në orën 00:00, me orën e Belgjikës. Eshte hera e parë që kjo ndodh në historinë e ndërtimit të Europës.
Zgjedhjet presidenciale në Algjeri
Prill: Parashikohen zgjedhje presidenciale ne Algjeri. Kandidimi i 81-vjecarit, Abdelaziz Bouteflika në pushtet që ne 1999, mbetet i pasigurt.
Akihito abdikon
30 prill: Perandori 84-vjeçar i Japonisë, Akhito, heq dorë nga froni dhe i jep titullin djalit të tij, Naruhito.
India voton
Prill: Zgjedhje legjislative ne Indi, demokracia më e populluar në botë. Kryeministri Narendra Modi, nacionalist hindu, prezantohet për një mandat të dytë.
Parlament i ri Europian
23-26 maj: Dy muaj pas Brexitit, ndryshohet Parlamenti Europian në Strasburg, i cili do numërojë tashmë 705 deputetë.
Regbi në Japoni
20 shtator: Fillon Kupa e Botës në Regbi, në Japoni, është hera e parë që Azia pret këtë eveniment.
Atletikë në Katar
27 shtator: Katari pret Kampionatin Botëror të Atletikës, ku ka përgatitur masa të reja kundër nxehtësisë si për shembull një maratonë gjatë natës dhe një stadium të klimatizuar. /gazetametro.net/
Kurti në Paris, fton kompanitë franceze që të investojnë në ...
Ëndërroni gjëra të bukura, përse është më mirë të flini në k...
Pse ndonjëherë kemi frikë nga përballjet?
Venezuelë, arrestohen pesë persona të akuzuar për komplot ku...
Janjiq: Luhatjet politike rreth njohjes së Kosovës të panevo...
Maqedonci: Armatosja e Serbisë, rrezik për stabilitetin në B...