Franca ka parë një rënie të shpejtë të numrit të njerëzve që pinë duhan çdo ditë, me një milion më pak nga viti 2016 në 2017-ën, sugjeron një sondazh.
Një rënie e tillë nuk është parë në një dekadë, sipas Shëndetit Publik të Francës, i cili zhvilloi studimin.

Ka pasur gjithashtu një rënie të pirjes së duhanit në mesin e adoleshentëve dhe atyre me të ardhura të ulëta. Studimi vuri në dukje masat kundër pirjes së duhanit të ndërmarra në Francë si një arsye e mundshme për rënien.

Vitet e fundit janë dhënë rimbursime për njerëzit që përdorin zëvendësues të duhanit, por edhe çmime më të larta të cigareve dhe janë ndërmarrë fushata si muaji kombëtar pa duhan.

Sipas anketës, në vitin 2017, 26.9% e 18- deri 75-vjeçarëve pinin duhan çdo ditë, krahasuar me 29.4% të një viti më parë. Kjo përbën një rënie prej 13.2 milionë duhanpirësve në 12.2 milionë gjatë periudhës.

Ministri francez i Shëndetësisë Agnes Buzyn në veçanti mirëpriti rënien e pirjes së duhanit në mesin e atyre me të ardhura të ulëta, duke thënë se “duhani është një trajektore e pabarazisë, që peshon veçanërisht në vendet më të pafavorizuara dhe po keqësohet”, përcjell GSh.

Një studim i vitit të kaluar zbuloi se pavarësisht dekadave të politikave të kontrollit të duhanit, është rritur numri i popullsisë që kishte menduar se ka një numër më të madh të duhanpirësve. Organizata Botërore e Shëndetësisë thotë se paralajmërimet e fotografive në veçanti janë provuar të ndihmojnë njerëzit të lënë duhanin dhe thotë se 78 vende që përbëjnë gati gjysmën e popullsisë së botës aktualisht përmbushin praktikat më të mira.