NASA dëshiron të blejë gurë nga Hëna dhe po kërkon kompani që do të shkojnë në “gërmime hapësinore”.

Kjo agjenci po kërkon të jetë në gjendje të krijojë një kornizë ligjore për aspiratat e saj galaktike.

Agjencia mbledh oferta nga studiuesit në të gjithë botën të cilët janë të gatshëm të financojnë udhëtimin e tyre në hënë dhe të mbledhin mostra toke ose shkëmbi pa e kthyer atë material në Tokë.

Qëllimi i kësaj përpjekjeje është të krijojë një precedent ligjor për minierat në sipërfaqen e Hënës, i cili do të mundësonte që NASA një ditë të mbledhë akull, helium dhe materiale të tjera të dobishme për kolonitë në Hënë dhe, një ditë, në Mars, shkruan Fortune.

NASA gjithashtu dëshiron të demonstrojë potencialin e “shfrytëzimit të burimeve në vend” ose përdorimit të materialit “lokal” për misionet e ardhshme hapësinore, tha agjencia.

“NASA parashikon që të paguajë midis 15,000 dhe 25,000 dollarë për kontratë, por çmimi përfundimtar do të përcaktohet nga konkursi,” tha drejtori i NASA Jim Braidenstein.

Ofertuesi fitues “do të mbledhë deri në 500 gramë material hënor, do ta fotografojë atë, do të dokumentojë vendndodhjen e tij dhe më pas do të transferojë pronësinë e rekolitit hënor ose shkëmbinjve te NASA”, tha agjencia. NASA më pas do të zgjidhë çdo plan për të marrë materialin.

Nuk është ende e qartë se kush mund të jetë kandidat. Aterrimi në Hënë nuk është as i lirë dhe as i lehtë dhe NASA do të paguajë vetëm për materialin e mbledhur. Furnizuesi do të jetë përgjegjës për të gjitha kostot që lidhen me misionin.