Viti i ri shkollor, ora e parë do t’i kushtohet Covid-19

16:55 | 11 Shtator 2020
Arbresh.info

Ministria e Arsimit dhe Shkencës ka njoftuar se ora e parë e mësimit të vitit të ri shkollor do t’i kushtohet informimit dhe vetëdijesimit të nxënësve lidhur me pandeminë Covid-19.

Përmes një komunikate për media MASH njofton se në javët në vijim së paku një orë në javë do t’i kushtohet informimit rreth Covid-19 dhe për përgjegjësitë e nxënësve në luftimin e saj, shkruan arbresh.info.

Njoftimi nga MASH:

Bazuar në vendimin e ministrit të Arsimit dhe Shkencës, Ramë Likaj, për fillimin e vitit të ri shkollor 2020/2021 në kushte pandemie, ora e parë e mësimit do t’i kushtohet informimit dhe vetëdijësimit të nxënësve lidhur me pandeminë Covid-19.

Në vendim, po ashtu thuhet se, në javët në vijim, së paku një orë në javë do t’i kushtohet informimit të nxënësve për zhvillimet më të reja për pandeminë dhe për përgjegjësitë e nxënësve në luftimin e saj./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm