Një grup i studentëve me fishkëllima e kanë kundërshtuar fjalimi e ish-kryetarit të Gjykatës Kushtetuese të Kosovës, Enver Hoxhaj, duke e quajtur shkelës të Kushtetutës. Njëjtë kanë reaguar edhe ndaj ministrit të Drejtësisë, Hajredin Kuçi.

Studentët janë tërhequr zvarrë nga pjesëtarët e sigurimit dhe asnjë nga panalelistët nuk ka reaguar.

Studentët janë larguar nga salla dhe seminari po vazhdon me fjalimin e ish-kryetarit të Gjykatës Kushtetuese, Enver Hasanit.

Një profesor e ka kundërshtuar duke thënë se nuk është në rregull që studentët të trajtohen në këtë mënyrë.

KosovaPress mëson se studentët janë aktivistë të Lëvizjes Studentore për Barazi – Studim Kritikë Veprim.

Studentët njëjtë kanë reaguar edhe ndaj ministrit të Drejtësisë, Hajredin Kuçi. Me këtë rast ka ndërhyrë Policia e Kosovës, duke arrestuar studentët që kanë penguar seminarin që po mbahet për nder të 8 vjetorit të miratimit të Kushtetutës së Kosovës.

Studentët vazhdimisht pohonin se Enver Hasani dhe Hajredin Kuçi duhet të arrestohen sepse e kanë shkelur kushtetutën.

Për momentin seminari është duke pauzuar, por në sallë ka akoma studentë të tillë të cilët po kundërshtojnë dhe po refuzojnë të dalin nga salla.