Google ADS

Shkolla që po mërdhin 30 nxënës

22:12 | 9 Dhjetor 2016
Arbresh.info

Nxënësit e paraleles së shkollës fillore “Haradin Bajrami” në Leletiq të Lipjanit, temperaturat e ulëta po i përballojnë pa pikë ngrohjeje, tash e dy javë.

Ngrohja Qendrore të cilën e posedon kjo shkollë, për mungesë të invertorit dhe baterive, ka pësuar defekt, gjë që i ka lënë të vegjlit në temperaturë të akullt, raporton KTV.

Fëmijët të cilët mësojnë në klasë të kombinuar, tregojnë se si u është kërkuar të sjellin ngrohëset elektrike nga shtëpitë e tyre.

Për ambientin e ftohtë ku po e ndjekin mësimin fëmijët, ankohen edhe prindërit, të cilët thonë se askush nuk po ndërmerr asgjë për ta rregulluar njëherë e mirë këtë çështje.

Drejtori i shkollës thotë se tashmë kur është siguruar bateria dhe invertori, rregullimi i ngrohjes është duke shkuar drejt finalizimit.

Komuna e Lipjanit zotohet se nëse prishja e kësaj ngrohjeje vazhdon të përsëritet, atëherë do të intervenojë menjëherë në rregullimin e saj.

Shpërndaje në rrjete sociale

Lajmet më të lexuara

Të ngjashme

Foto lajm