Google ADS

Ministri Bajrami ngushëllon familjen Sfishta

12:56 | 16 Qershor 2015
Arbresh.info

Ministri i Arsimit, Shkencës dhe Teknologjisë, Arsim Bajrami i shpreh ngushëllime familjes Sfishta për ndarjen nga jeta të mësuesit Shaban Sfishta.

“Më lejoni që të shpreh ngushëllimet e mija më të thella për ndarjen nga jeta të mësuesit Shaban Sfishta. Me ndarjen e tij nga jeta, arsimi ynë humbi një mësues të veçantë. Ishte i veçantë, sepse përveç që ishte i palodhshëm në arsimimin e shumë gjeneratave, mësuesi Shaban ia fali pagën e tij shtetit për gati 18 vite. Prandaj, mësuesi Shaban Sfishta do të mbetet në historinë e arsimit shqip edhe me një vepër që e dallon nga të tjerët. Personaliteti i tij do të jetë frymëzues për gjeneratat që vijnë, sepse ta duash vendin si mësuesi Shaban, është një vlerë e lartë! Ju lutem që në emër të Ministrisë së Arsimit, të Shkencës dhe të Teknologjisë dhe në emër timin, t’i pranoni ngushëllimet më të sinqerta”, thuhet në telegramin e ngushëllimit.

Shpërndaje në rrjete sociale

Lajmet më të lexuara

Të ngjashme

Foto lajm