Ministri Bajrami nesër në Bujanovc dhe Preshevë

15:17 | 24 Maj 2015
Arbresh.info

Ministri i Arsimit, Shkencës dhe Teknologjisë, do të qëndrojë nesër për një vizitë zyrtare në Bujanoc dhe Preshevë,  ku do të ketë disa takime dhe vizita në shkolla, për të parë mundësitë e bashkëpunimit për arsimin në gjuhën shqipe në këto komuna.

Ministri Bajrami fillimisht do të pritet në selinë e Këshillit Kombëtar Shqiptar në Bujanoc, ku do të ketë një takim me kryetarin e Këshillit,  Jonuz Musliu. Po ashtu, ministri do të vizitojë edhe Komunën e Bujanocit si dhe shkollën e mesme “Sezai Surroi” në këtë komunë.

Më pas, ministri Bajrami do të vizitojë Komunën e Preshevës dhe pastaj edhe shkollën fillore “9 Maji” në Leran të kësaj komune.

Një takim, ministri Bajrami do ta ketë edhe me dy deputetët shqiptar në Parlamentin e Serbisë,  Riza Halimi dhe Shaip Kamberi.

 

Shpërndaje në rrjete sociale

Lajmet më të lexuara

Të ngjashme

Foto lajm